مقدم التدريب

 أنا مين 

أنا اسمي عماد ناجي، وأتخصصت كـ مدرب محترف للحساب الذهني 

ومؤسس أكاديمية TBG لتدريب العقل.

 بدأت مشواري في عالم الحساب الذهني وتدريس الرياضيات باللغة الإنجليزية من اكتر  من 20 سنة  أول ما دخلت كلية التربية شعبة الرياضيات.

 الرياضيات كانت دايمًا أعظم شغف في حياتي،    وكنت عارف إن ده هو مجالي.

حابب أشارك معاك قصة صعودي وتجاربي في المجال اللي أنا مخصص فيه حياتي، واللي أنت على وشك تكون جزء منه.

زيك، بدأت رحلتي بمجرد شغف وحب للرياضيات، لكن الطريق كان مليان تحديات وتغيرات كتير.

لكن زي أي رحلة نجاح، البداية كانت صعبة. بعد التخرج، واجهت تحدي كبير في الحصول على وظيفة بسبب الانتهاء من تحديد الموقف من التجنيد. ماقدرتش ألتحق بوظيفة حكومية بسبب تقديرى ، لاقيت نفسي قدام تحدي أكبر، وهو إني ماقدرتش أبدأ الشغل فورًا فى مدارس خاصة بتدور على ستوات خبرة او مدارس لغات بتشترط انك خريج مدارس لغات عشان تشتغل معاهم 

اتنقلت بين مدارس خاصة وعامة، لكن كانت دايمًا في تحديات، سواء في عدد سنوات الخبرة المطلوبة أو بسبب نوعية التعليم اللي درست فيه لان خريج مدارس عربى . رفضت الاستسلام وقررت أستثمر في نفسي، وبدأت أدرس اللغة الإنجليزية ودورات  متخصصة في تدريس الرياضيات باللغة الإنجليزية. وبعد كتير من السعي، قدرت أخيرًا أحصل على وظيفة في مدارس قوية وقدرت أبني خبرتي.

مع مرور الوقت، اشتغلت في 11 مدرسة مختلفة، وده خلاني أكتسب خبرات متنوعة في تدريس الرياضيات وتنمية مهارات الأطفال في مجالات الحساب الذهني، الخرائط الذهنية، مكعب روبيك، وغيرها من الألعاب الذكية زي سودوكو وكين كين.

قدرت أنشيء فريق تدريب قوى وأنشئ أكاديمية لتدريب وتنمية المهارات للاطفال فى مجال الحساب الذهنى والبرمجة اللي توسعت لعدة فروع. دربت مئات الأطفال وأهلتهم للمشاركة في بطولات عالمية، وأشرفت على بطولات دولية. حصلت على دكتوراه فخرية في الحساب الذهني.

كل ده ألهمني أواصل مشواري لأن هدفي الأكبر هو مساعدة الشباب والطموحين زيك. أنا مؤمن إنك تقدر تحقق نفس النجاحات اللي أنا وصلت ليها، لأنك عندك نفس الشغف والطموح.

إزاي ده ممكن يساعدك؟ من خلال تجربتي، قدرت أطور مهارات مش بس في الرياضيات، لكن في تدريب العقل وتحسين الذاكرة، وده اللي ممكن يفتح لك أبواب جديدة. التدريب مش بس وظيفة، هو مشروع حيغير حياتك، ويفتح لك طريقك للاستقلال المالي.

 في بداية طريقي، كان في ناس قريبة مني بتحاول تمنعني من استثمار وقتي وفلوسي في الدورات والتدريب. لكن النهاردة، بعد ما حققت النجاح اللي كنت بحلم بيه، عارف إن القرار ده كان هو الصح. وأتمنى أساعدك تكون قصتك زي قصتي – مليانة نجاح وأثر إيجابي في حياتك وحياة اللي حواليك.

وأنت؟ إيه اللي بتحلم بتحقيقه؟ شاركني قصتك، أنا مستني أسمع منك!

أطيب التحيات،
عماد ناجى